Vinir Ítalíu,VITA

23.6.2007 | 20:31

Vefslóðir til Ítalíu

Setti nokkrar vefslóðir í tenglalistann, sem ég vona að allir hafa gaman af að kíkja á. Ég á nokkrar slóðir í tölvunnin minni um gististaði í sveitum Toscana en það er nú svo skrítið að margir sem eru að leigja sveitahús nota sínar eigin sér vefsíður en tengjast ekki endilega inn á stærri síður, svo oft getur verið erfitt að finna sumar þeirra.

Það eru hinsvegar margar áhugaverðar slóðir sem tengjast menningu og tengslum landanna tveggja á síðunni hjá Maurizio sem vert er að skoða.

Vona að allir hafi það sem best í sumarfríum vítt og breytt. Veit að nú eru ferðalangar frá Akureyri (Akureyrarkirkju) á ferð um Ítalíu m.a. að heimsækja Assisi í Umbríusýslu á Ítalíu.

F.h. stjórnar I.R.

Menning og listir | Breytt s.d. kl. 20:36 | Slóð | Facebook | Athugasemdir (0)

8.6.2007 | 00:40

Anna sötraði kaffið ein....

...og gluggaði í Moggann á Bláu könnunni síðasta laugardag. Hún sönglaði lofsöng til sólarinnar á Ítölsku "O sole mio" í góða veðrinu og vissi að allir væru uppteknir við annað þá stundina en að skjótast á kaffihús. Hún var sem sagt eini fulltrúi VITA sem mætti í laugardags espressoið á Bláu könnunni og gerði nú ekki stórmál úr því. Við ákváðum því vegna dræmrar mætingar að laugardagskaffihúsaspjallið væri núna komið í sumarfrí þar til annað verður ákveðið.
Njótum endilega veðurblíðunnar meðan hún býðst okkur hér á norðurhjara.
Kveðjur, Inga R

Menning og listir | Slóð | Facebook | Athugasemdir (1)

1.6.2007 | 14:02

Laugardags espresso

Ciao tutti. Minnum á laugardags kaffispjall á Bláu könnunni kl. 10 þann 2. júní. (alltaf fyrsta laugardag í hverjum mánuði). Vonandi mæta fleiri en seinast :)

Menning og listir | Slóð | Facebook | Athugasemdir (0)

22.5.2007 | 22:54

Góður aðalfundur

Við vorum mjög ánægð með vitökur og mætingu á aðalfund félagsins í Borgarbíói á föstudaginn. Um það bil 20 manns mættu og hlýddu á skýrslu stjórnar og frásagnir. Friðrik Valur var gestafyrirlesari og flutti líflega og skemmtilega frásögn. Boðið var upp á léttar veitingar og bíósýningu á eftir.

Allt tókst þetta vel og nokkrir félagar drifu sig í ítalska veislu hjá Friðriki V að lokinni bíómynd.

Ný stjórn sem kynnt var á fundinum mun taka til starfa á næstunni.

Við hvetjum ykkur til að skrifa í gestabók eða skrifa athugasemdir á síðuna, sem mun vonandi þroskast á næstu vikum.

Kveðjur frá stjórn. I.R.

Menning og listir | Slóð | Facebook | Athugasemdir (0)

15.5.2007 | 22:25

Ný bloggsíða VITA, - Vinir Ítalíu -

Ciao tutti! Halló allir félagar og velunnarar VITA. Þessi glænýja bloggsíða félagsins "Vinir Ítalíu" verður opnuð formlega þann 18. maí 2007 á aðalfundi VITA sem haldinn er í anddyri Borgarbíós á Akureyri. Sá fundarstaður varð fyrir valinu með sérstakri skýrskotun til hinnar yndislegu ítölsku bíómyndar um "Cinema paradiso" í leikstjórn Giuseppe Tornatore. Myndin "Nuovo Cinema Paradiso" lýsir lífi fólks í smábæ á Ítalíu á fyrri hluta síðustu aldar. Bíóið gegndi stóru hlutverki í lífi fólksins þar sem allir hittust reglulega, ekki bara til að horfa á bíómynd, því þar sló hjarta bæjarins og gleði og sorgir bæjarbúa með öllum sínum tilfinningastraumi leystust úr læðingi í Cinema Paradiso.

Félagið VITA, Vinir Ítalíu var stofnað þann 29. apríl 2006 á Akureyri í tengslum við hátíðina "Ítalskt vor - La primavera" sem stóð yfir á Akureyri dagana 29. apríl til 6. maí 2006. Þessa daga var boðið upp á ýmsa menningartengda atburði, svo sem tónlist, myndlist, fyrirlestra og fleira.

Stjórn VITA fyrsta starfsárið:
Anna Fr. Blöndal (stjórnarformaður)
Ingibjörg Ringsted (ritari)
Elín Margrét Hallgrímsdóttir (gjaldkeri)
Giorgio Baruchello (meðstjórnandi)
Maurizio Tani (meðstjórnandi)

Menning og listir | Breytt 16.5.2007 kl. 08:45 | Slóð | Facebook | Athugasemdir (0)

Höfundur

Vinir Ítalíu,VITA

Félagið Vinir Ítalíu, VITA, hefur þann megintilgang að vera vettvangur kynningar og fræðslu um Ítalíu, sögu þess og menningu. Jafnframt að efla áhuga Íslendinga á Ítalíu og skapa aukin tengsl milli landanna.

Nýjustu færslur

Tenglar

Áhugaverðar vefslóðir

Eftirfarandi eru nokkrar vefslóðir sem Vinir Ítalíu hafa kannski gaman af að skoða.

Hótel og gististaðir Hótel og gististaðir um alla Ítalíu:
Gistiheimili Gistiheimili um alla Ítalíu:
Allt um Ítalíu (kannski ekki alveg allt :-) Vefslóð sem stiklar á stóru um Ítalíu.
Ítalskur matur Mataruppskriftir og upplýsingar sem snúa að ítalskri matargerð.
Vefbanki Maurizios Hægt er að finna margar góðar vefslóðir sem tengjast Ítalíu og Íslandi á síðunni hjá Maurizio Tani: